Юртбошимиз томонидан ёш авлодни ҳар томонлама баркамол этиб тарбиялаш йўлида энг аввало уларга сифатли таълим бериш масалаларига алоҳида эътибор қаратилмоқда.

Жорий йилнинг 6 январ куни бошқарма бошлиғи Г.Омонова иштирокида Булоқбоши ва Қўрғонтепа туманлари илғор педагоглари, мактаб раҳбарлари билан учрашувда Президентимизнинг Мурожаатномаларида илгари сурилган ташаббусларни вилоятдаги барча мактабларга етиб бориши зарур эканлиги, билдирилган юксак ишончни оқлаш зарур эканлиги таъкидланди.

Қолаверса, бошқарма бошлиғи томонидан айнан таълим сифатини ошириш, мактаб битирувчиларини олий таълим муассасаларига кириш кўрсаткичларини яхшилаш, ўқитувчилар малакасини ошириш мақсадида жорий этилган “Ҳоким академияси” платформасида яратилган имкониятлардан барча ўқувчиларни хабардор этиш юзасидан керакли топшириқлар бериб ўтилди.