Хабарингиз бор, юртимизда ёш авлодни рақамли технологиялардан фойдаланишлари ва дунё Инновацион технология бозорларига рақобатбардош кадрлар етиштириб чиқариш мақсадида қатор ташаббуслар илгари сурилмоқда.

Мазкур ташаббуслар ижросини таъминлаш мақсадида жорий йилнинг 11-июл куни Андижон вилояти мактабгача ва мактаб таълими бошқармаси ҳамда “Digital City”лар ҳамкорлигида ҳудудлардаги соҳа мутахассислари ҳамда умумтаълим мактабларининг информатика ва ахборот технологиялари фани ўқитувчиларини иштирокида "Бир миллион дастурчи" лойиҳасининг мантиқий давоми хисобланган “Coursera” платформасининг бепул ҳамда профессионал махсус ўқув курсларида таълим олиш мавзусида  вилоят семинари бўлиб ўтди.

Семинарда “Coursera” онлайн платформасига жойлаштирилган курслар, уларнинг долзарблиги ва аҳамияти борасида фикрлар юритилиб, савол-жавоб, баҳс ва мунозаралар натижасида соҳа ривожи учун истиқболли режалар белгилаб олинди.