Xabaringiz bor, yurtimizda o’quvchi-yoshlarni fanlarni puxta o’zlashtirgan holda yetuk kadrlar bo’lib shakllanishlarini ta’minlash yuzasidan qator tashabbuslar ilgari surilmoqda.

Mazkur tashabbuslar ijrosini ta’minlash maqsadida Andijon viloyati Maktabgacha va maktab ta’limi boshqarmasida viloyatdagi o’quv-markaz hamda repetitorlik kurslarini yo’lga qo’ygan tadbirkorlar bilan ochiq muloqot tashkil etildi.

Unda mutasaddilar tomonidan o’quvchilarga yanada qulaylik yaratish maqsadida repetitorlik kurslarini maktablarda tashkil etish, o’quv-markazlar hamda repetitorlik kurslari vaqtini maktab o’quvchilarining dars jarayonlariga mos holda belgilash kabi qator masalalarda tavsiyalar berib o’tildi.