Xabaringiz bor, aholi salomatligini yaxshilash va ularni sportga bo’lgan qiziqishlarini yanada oshirish maqsadida Maktabgacha va maktab ta’limi boshqarmasi tomonidan viloyatimizdagi ustozlar hamda o‘quvchilar o’rtasida “Viloyat hokimi kubogi” uchun sport o’yinlari tashkil etilmoqda.

Xususan joriy yilning 13-aprel kuni viloyatimizdagi maktablar fan o’qituvchilari ishtirokida sportning futbol hamda volleybol turlarida tashkil etilgan musobaqaning yakuniy bosqichi o’tkazilib, unda tuman, shaharlardan kelgan sport jamoalari o‘zaro bellashdilar.

Murosasiz kechgan baxslar yakuniga ko’ra sportning futbol turi bo’yicha Andijon shahar ustozlar jamoasi 1-o’rinni, Buloqboshi tumani 2- va Asaka tumani jamoasi 3-o’rinni egallagan bo’lsa, ayollar o‘rtasidagi volleybol o’yinlarida Andijon shahar 1-, Asaka tumani 2- va Buloqboshi tumani 3-o’rinni egalladilar.

Sport musobaqalarining navbatdagi baxslari o’quvchilar ishtirokida davom etadi…