Xabaringiz bor, maktabgacha ta'lim tashkiloti tarbiyalanuvchilarini bolalik davridanoq ma'nan yetuk va jismonan barkamol etib tarbiyalash maqsadida qator tashabbuslar ilgari surilmoqda.

Xususan, bolajonlarni sogʻlom va toʻgʻri ovqatlanishlarini tashkil etish maqsadida joriy yilning 20-aprel kuni Xo'jaobod tumanidagi 4-Davlat maktabgacha ta'lim tashkilotida viloyat seminari oʻtkazildi. 

Maktabgacha ta'lim agentligi xodimi, viloyat maktabgacha va maktab ta'limi boshqarmasi xodimlari, maktabgacha ta'lim tashkiloti rahbarlari, oshpaz va hamshiralari ishtirokida oʻtkazilgan mazkur seminarda bolajonlarni sogʻlom ovqatlanishlarini tashkil etishdagi ilgʻor tajribalar almashildi.