Xabaringiz bor, o’quvchi-yoshlarni o’zbekona qadriyatlar ruhida tarbiyalash, ularni ma’naviy qarash va tushunchalarini yanada rivojlantirish  maqsadida maktab jamoalari o’rtasida “Turon” teatr maktabi Respublika tanlovi o’tkazilmoqda.

Joriy yilning 25-aprel kuni Andijon shahridagi “Yoshlar Markazi”da mazkur tanlovning Andijon viloyati bosqichi tashkil etilib, tuman (shahar) bosqichlarida go’liblikni qo’lga kiritgan 16 ta teatr jamoalari 3 shart bo’yicha o’zaro bellashdilar.

Qayd etish joizki viloyatimiz kesimida mazkur tanlovning quyi bosqichlarida jami 651 ta teatr jamoalari safida 5 ming 200 dan ziyod o’quvchilar ishtirok etib, o’z ijod namunalarini katta sahnalarda ijro etgan holda muxlislar olqishlariga sazovor bo’ldilar.

Murosasiz o’tgan viloyat bosqichining yakuniy natijalariga Andijon shahrining “Avloniy izdoshlari” jamoasini 1-o’rinni egallab Respublika bosqichiga yo’llanmani qo’lga kiritgan bo’lsa, keyingi o’rinlar Asaka tumanining “Kelajak nihollari” hamda Paxtaobod tumanining “Avloniylar” jamoalariga nasib etdi.