Xabaringiz bor, Maktabgacha va maktab ta'limi tizimi tasarrufidagi ta'lim muassasalari o'rtasida an'anaviy tarzda O‘zbekiston Respublikasi Prezidentining sovrini uchun “Xorijiy tillarni o‘qitish bo‘yicha eng yaxshi maktab” tanlovi o'tkazilib kelinmoqda.

Joriy yilning 26-aprel kuni mazkur tanlovning Andijon viloyati bosqichi o'tkazilib, unda o‘z tuman (shahar)larida g‘oliblikni qo‘lga kiritgan 16 ta maktab jamoalari 4 ta yo‘nalish bo‘yicha, ya’ni o‘qish, tinglab tushunish, leksik grammatik bilimlar va yozish shartlariga ko‘ra o‘z bilimlarini sinovdan o‘tkazdilar. 

Tanlov yakunlariga ko‘ra, 1-o‘rinni Shaxrihon tumani 44-IDUM, 2-o‘rinni Asaka tumani 57-maktab va 3-o‘rinni Andijon shahridagi 13-umumta'lim maktablari egalladilar. 

Tanlov nizomiga ko‘ra viloyat bosqichi g‘oliblariga egallagan o‘rinlari ketma-ketligida 250, 200 va 150 million so‘m pul mukofotlari bilan taqdirlandilar.