Andijon viloyati Maktabgacha va maktab ta’limi boshqarmasi, Marhamat tumani hokimligi hamda Vodiy1.uz tahririyati tomonidan «Muhammad Yusuf she’riyati» ko’rik-tanlovi e’lon qilingan edi.

Joriy yilning 21-may kuni Andijon viloyati Maktabgacha va maktab ta’limi boshqarmasida taqdirlash marosimi o’tkazilib, ushbu loyihada 2 mingdan ortiq ijodiy na’munalardan eng saralari deb topilgan ijro mualliflari taqdirlandilar.

Tadbirda Boshqarma boshlig’i o’rinbosari F.Pirmatov hamda Vodiy1uz bosh muharriri E.Ermatovlar tomonidan yosh avlodni zabardast shoir hayoti va ijodiga bo‘lgan qiziqishini yuqori ekanligi alohida ta’kidlanib, o‘qish va ishlarida muvaffaqiyatlar tilandi.

Tanlov yakunlariga ko‘ra 1-o’rinni Buloqboshi tuman 13-maktab, 2-o’rinni Andijon tumani 19-maktab, 3-o’rinni Baliqchi tumani 3-maktab,  4-o’rinni Andijon shahar 43-maktabi hamda 5-o’rinni Andijon tumani 14-maktablari egallab, tashkilotchilar tomonidan qimmatbaho sovg’alar bilan taqdirlandi.