Andijon viloyati maktabgacha va maktab taʼlimi boshqarmasi boshligʻi lavozimiga Shukurov Oʻtkirbek Ilhomovich tayinlandi.  (pasportda: Shukurov Utkirbek Ilxamovich)

Oʻtkirbek Shukurov 1983-yili Andijon tumanida tugʻilgan. 2011-yili Andijon davlat tillar pedagogika institutini, 2012-yili Oʻzbekiston Respublikasi Prezidenti huzuridagi Davlat va jamiyat qurilishi akademiyasini tamomlagan. 

Mehnat faoliyati davomida “Kamolot” yoshlar ijtimoiy harakati Andijon viloyati kengashida mutaxassis, boʻlim mudiri, kengash raisi, markaziy kengash raisining oʻrinbosari, Andijon viloyati hokimi oʻrinbosari, Xoʻjaobod tumani hokimi lavozimlarda faoliyat yuritgan. 

Ushbu lavozimiga tayinlanguniga qadar Andijon viloyati hokimligi yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha kotibiyat mudiri lavozimida faoliyat yuritib kelayotgan edi.