Xabaringiz bor yosh avlodni bolalik davridanoq munosib kamol topishlarini ta’minlash ularga yetarlicha shart-sharoitlar yaratishda maktabgacha ta’lim tashkilotlarida faoliyat olib borayotgan tarbiyachilar malakasini oshirish yo'nalishida qator tashabbuslar ilgari surilmoqda.

Xususan, an’anaviy tarzda Maktabgacha va maktab ta’limi vazirligi tomonidan “Yil tarbiyachisi” ko’rik-tanlovi tashkil etilib, joriy yilning 18-iyul kuni mazkur tanlovning Andijon viloyat bosqichi g'oliblarini taqdirlash marosimi bo‘lib o‘tdi.

Unda tashkilotchilar tomonidan ushbu loyiha yuqori malakali metodist va tarbiyachilarni aniqlash, rag'batlantirish, ularning pedagogik mahorati va ijodiy qobiliyatlarini rivojlantirish, kasbiy faoliyatida kreativlik va sog'lom raqobat muhitini yaratish maqsadida o'tkazilayotganligi ta'kidlanib, quyi bosqichlarda 1 ming 614 nafar ishtirokchilar ichida 6 ta nominatsiyada g'oliblikni qo'lga kiritgan 18 nafar tarbiyachilar munosib taqdirlandilar.