Prezident tashabbusi asosida viloyatimizda barpo etilayotgan ulkan “Yangi Andijon” loyihasi kun sayin oʻzining yangi koʻrinishlari bilan aholini hushnud etmoqda. Bugun Yangi Andijon tarixida yana bir muhim sana qayd etilib, ilk bor shahardagi maktab foydalanishga topshirildi.

48 milliard soʻmlik loyiha asosida barpo etilgan 1-umumtaʼlim maktabi viloyatimiz rahbari va yoshi ulugʻlar boshchiligida ochib berildi. 1 ming 680 oʻquvchi oʻrniga ega boʻlgan, barcha zamonaviy sharoitlarga ega taʼlim maskani endi oʻquvchilarni oʻz bagʻriga oladi.

Shuhratbek Abdurahmonov yangi maktabning ustozlar jamoasi bilan suhbatda boʻlib, ularga kelgusi faoliyatlarida katta omadlar tiladi.