Yosh avlodni aqlan yetuk qilib tarbiyalash bilan birga ularni sportga qiziqtirgan holda jismonan barkamol shaxslar etib tarbiyalash maqsadlarida viloyatimizda bir qator tashabbuslar ilgari surilmoqda.

Mazkur tashabbuslar ijrosini ta’minlash maqsadida Andijon viloyati Maktabgacha va maktab ta’limi boshqarmasi tashabbusi bilan O’zbekiston kubogi sohiblari, Osiyo chempionlar ligasi yo‘llanmasi egalari “Andijon” futbol klubi a’zolari bilan uchrashuvlar o’tkazilmoqda.

Andijon shahridagi 31-umumta’lim maktabida bo‘lgan uchrashuvda chempionlar tomonidan yosh sportchi-o’quvchilarga Andijon sharafini munosib himoya etish uchun bor kuchni safarbar etish bo‘yicha fikrlar bildirilib, uchrashuv yakunida futbolchilar va o’quvchilar ishtirokida yashil makon aksiyasi doirasida “Yulduzlar bog’i” tashkil etildi.