Maktabgacha va maktab ta’limi vazirligi tomonidan o‘quvchi-qizlarni aqlan yetuk va jismonan barkamol etib voyaga yetkazish maqsadida “Maktabgacha va maktab ta’limi vaziri kubogi uchun” sportning badiiy gimnastika turi bo‘yicha sport musobaqalari tashkil etilmoqda.

Xususan, joriy yilning 28-oktabr kuni Andijon shahridagi Gimnastikaga ixtisoslashtirilgan sport maktabida “Maktabgacha va maktab ta’limi vaziri kubogi uchun” o‘tkazilayotgan musobaqalarning Andijon viloyat bosqichi bo‘lib o‘tdi.

Musobaqaning quyi (tuman, shahar) bosqichlarida 6 mingdan ziyod tengdoshlari ichida g’oliblikni qo‘lga kiritgan 128 nafar gimnast-qizlar viloyat bosqichida o’zaro bellashib, yakunda g’oliblar diplom va estalik sovg’alari bilan taqdirlandilar.