Xabaringiz bor, ta’lim muassasalarida yosh avlodga sifatli ta’lim berish bilan bir qatorda ularni o‘zbekona qadriyatlar ruhida tarbiyalash masalalariga alohida e’tibor qaratilmoqda.

Xususan, joriy yilning 25 fevral kuni viloyat xalq ta’limi boshqarmasida  tuman, shahar xalq ta’limi bo‘limlari ma’sul vakillari va boshqarma hodimlari ishtirokida o‘tkazilgan davra suhbati aynan shu mavzularga bag‘ishlandi.

Davra suhbati davomida viloyat hokimi o‘rinbosari R.Arziyev tomonidan ta’lim maktablarda yoshlar ma’naviyati bilan ishlash tizimini yangi bosqichga olib chiqish, ertamiz egalari bo‘lgan yosh-avlodni yot mafkuralardan himoya etish, kiyinish madaniyati, yoshlar o‘rtasida jinoyatchilik va huquqbuzarlik, ko‘r-ko‘rona taqlid va shunga o‘xshash salbiy illatlarga qarshi kurashda xalq ta’limi tizimi vakillari jonbozlik ko‘rsatishligi zarur ekanligi ta’kidlandi.