Мактабларда таълим сифати самарадорлигини оширишда инновацион янгиликларни жорий этиш, таълим жараёнларида ахборот-технологияларидан оқилона фойдаланиш масалаларида қатор ташаббуслар илгари сурилмоқда.

Жорий йилнинг 7 январ куни таълим тизим мутасаддилари, Андижон шаҳридаги мактабларнинг ўқув-тарбиявий ишлар бўйича директор ўринбосарлари ва илғор педагоглар иштирокида ўқув семинари ташкил этилди.

Мазкур семинарда ўқувчиларга қўшимча таълим бериш, битирувчиларнинг олий таълим муассасаларига кириш кўрсаткичларини янада яхшилаш ва ўқитувчиларни  малакасини ошириш мақсадида ташкил этилган "Ҳоким академияси" ва Kundalik.сom платформаларида ишлаш йўриқномаси ҳақида тушунча ва тавсиялар берилди.

Шунингдек, семинар иштирокчилари узлуксиз методик хизмат кўрсатиш, вазир устамаси учун рўйхат шакллантириш, мактаб базаси ва мактаб титулини юритиш бўйича маълумотлар берилди.