Maktablarda ta’lim sifati samaradorligini oshirishda innovasion yangiliklarni joriy etish, ta’lim jarayonlarida axborot-texnologiyalaridan oqilona foydalanish masalalarida qator tashabbuslar ilgari surilmoqda.

Joriy yilning 7 yanvar kuni ta’lim tizim mutasaddilari, Andijon shahridagi maktablarning o‘quv-tarbiyaviy ishlar bo‘yicha direktor o‘rinbosarlari va ilg‘or pedagoglar ishtirokida o‘quv seminari tashkil etildi.

Mazkur seminarda o‘quvchilarga qo‘shimcha ta’lim berish, bitiruvchilarning oliy ta’lim muassasalariga kirish ko‘rsatkichlarini yanada yaxshilash va o‘qituvchilarni  malakasini oshirish maqsadida tashkil etilgan "Hokim akademiyasi" va Kundalik.som platformalarida ishlash yo‘riqnomasi haqida tushuncha va tavsiyalar berildi.

Shuningdek, seminar ishtirokchilari uzluksiz metodik xizmat ko‘rsatish, vazir ustamasi uchun ro‘yxat shakllantirish, maktab bazasi va maktab titulini yuritish bo‘yicha ma’lumotlar berildi.