Хабарингиз бор, Ўзбек адабиётининг ёрқин вакиласи, баҳор куйчиси Зулфияхоним Исроилованинг таваллудининг 108 йиллиги муносабати билан вилоятимиздаги таълим муассасаларида шоира ҳаёт ва ижод йўлига бағишланган кўрик-танлов ва тадбирлар ташкил этилиб келинмоқда.

Хусусан, жорий йилнинг 1-март куни Жалақудуқ тумани халқ таълими бўлими томонидан тумандаги умумтаълим муассасаларида таълим олаётган ўқувчи-қизлар ўртасида “Зулфияхоним муҳаббат куйчиси” мавзусида кўрик-танлов ўтказилди.

Таништирув, баҳру-байт ва саҳна кўринишлари намойиши шартларига кўра ўзаро беллашувда ғолибликни қўлга киритган фаол ўқувчилар туман халқ халқ таълими бўлимининг диплом ва эсдалик совғалари билан тақдирланди.