Xabaringiz bor, O‘zbek adabiyotining yorqin vakilasi, bahor kuychisi Zulfiyaxonim Isroilovaning tavalludining 108 yilligi munosabati bilan viloyatimizdagi ta’lim muassasalarida shoira hayot va ijod yo‘liga bag‘ishlangan ko‘rik-tanlov va tadbirlar tashkil etilib kelinmoqda.

Xususan, joriy yilning 1-mart kuni Jalaquduq tumani xalq ta’limi bo‘limi tomonidan tumandagi umumta’lim muassasalarida ta’lim olayotgan o‘quvchi-qizlar o‘rtasida “Zulfiyaxonim muhabbat kuychisi” mavzusida ko‘rik-tanlov o‘tkazildi.

Tanishtiruv, bahru-bayt va sahna ko‘rinishlari namoyishi shartlariga ko‘ra o‘zaro bellashuvda g‘oliblikni qo‘lga kiritgan faol o‘quvchilar tuman xalq xalq ta’limi bo‘limining diplom va esdalik sovg‘alari bilan taqdirlandi.