Мамлакатимизда ёш авлодни баркамол қилиб тарбиялаш, уларнинг ҳаётга мустақил қадам қўйишлари учун барча зарур шароитларни яратишга қаратилган тизимли ишлар амалга оширилмоқда.
 
Вилоят ҳокими Шуҳратбек Абдураҳмонов Андижон шаҳридаги 5 ва 48-умумий ўрта таълим мактабларида бўлиб, 11-синф битирувчилари ҳамда уларнинг ота-оналари билан мулоқот ўтказди. 

Жараёнда вилоят раҳбари ёшларнинг ҳуқуқ ва эркинликларини таъминлаш, орзу-умидларини рўёбга чиқариш масаласига давлат сиёсати даражасида эътибор қаратилаётганлиги хусусида атрофлича фикр-мулоҳазалар билдирди. 

Шунингдек, ўқув-тарбия жараёнига илғор педагогик ва ахборот-коммуникация технологияларини жорий этиш, ўқитувчиларнинг жамиятдаги мавқейини юксалтириш орқали таълим сифатини ошириш ва бу борда устозлар олдидаги вазифалар ҳақида сўз юритди. 

Мактаб битирувчиларини таълимнинг кейинги босқичига жалб этиш, касб-ҳунарга ўқитиш ва тадбиркорлик фаолиятини йўлга қўймоқчи бўлган ёшларни қўллаб-қувватлаш муҳим жиҳатлардан эканлигини таъкидлаб, бу борада амалга оширилаётган ишлар ҳақида мисоллар асосида сўз юритди.

Биритувчилар билан мулоқоти давомида уларнинг орзу-истакларини рўёбга чиқариб, қўлида ҳунари бор бир гуруҳ битирувчиларга тикув ва қандолатчилик дастгоҳларини топширди. 

Шунингдек, барча ўқувчиларга омад тилаб, уларни доимо қўллаб қуватланшини билдирди.