Mamlakatimizda yosh avlodni barkamol qilib tarbiyalash, ularning hayotga mustaqil qadam qo‘yishlari uchun barcha zarur sharoitlarni yaratishga qaratilgan tizimli ishlar amalga oshirilmoqda.
 
Viloyat hokimi Shuhratbek Abdurahmonov Andijon shahridagi 5 va 48-umumiy o‘rta ta’lim maktablarida bo‘lib, 11-sinf bitiruvchilari hamda ularning ota-onalari bilan muloqot o‘tkazdi. 

Jarayonda viloyat rahbari yoshlarning huquq va erkinliklarini ta’minlash, orzu-umidlarini ro‘yobga chiqarish masalasiga davlat siyosati darajasida e’tibor qaratilayotganligi xususida atroflicha fikr-mulohazalar bildirdi. 

Shuningdek, o‘quv-tarbiya jarayoniga ilg‘or pedagogik va axborot-kommunikasiya texnologiyalarini joriy etish, o‘qituvchilarning jamiyatdagi mavqeyini yuksaltirish orqali ta’lim sifatini oshirish va bu borda ustozlar oldidagi vazifalar haqida so‘z yuritdi. 

Maktab bitiruvchilarini ta’limning keyingi bosqichiga jalb etish, kasb-hunarga o‘qitish va tadbirkorlik faoliyatini yo‘lga qo‘ymoqchi bo‘lgan yoshlarni qo‘llab-quvvatlash muhim jihatlardan ekanligini ta’kidlab, bu borada amalga oshirilayotgan ishlar haqida misollar asosida so‘z yuritdi.

Birituvchilar bilan muloqoti davomida ularning orzu-istaklarini ro‘yobga chiqarib, qo‘lida hunari bor bir guruh bitiruvchilarga tikuv va qandolatchilik dastgohlarini topshirdi. 

Shuningdek, barcha o‘quvchilarga omad tilab, ularni doimo qo‘llab quvatlanshini bildirdi.