Хабарингиз бор, муҳтарам юртбошимизнинг "8 март – Халқаро хотин-қизлар куни" муносабати билан жамият ҳаётига муҳим хисса қўшган бир гуруҳ хотин-қизларни мукофотлаш тўғрисидаги фармонига биноан Андижон вилояти, Андижон туман 10-cон ихтисослаштирилган умумий ўрта-таълим мактаб-интернати директори-Дадабоева Манзура Олимжоновна II даражали "Соғлом авлод учун" ордени билан мукофотланди.

Жорий йилнинг 10 март куни вилоят халқ таълими бошқармаси бошлиғи Гулхаёхон Омонова 10-сон ихтисослаштирилган мактаб-интернатида бўлиб, мактаб раҳбари Манзура Дадабоевани ҳамда мактаб жамоасини ушбу юксак эътироф билан қутлади.

Бошқарма бошлиғи томонидан ушбу мукофот таълим тизимига, хусусан устозлар қадр-қимматини янада улуғлаш йўналишида амалга оширилаётган ислоҳотларнинг натижаси эканлиги ва бунга жавобан ўқувчи-ёшларга янада сифатли таълим-тарбия бериш зарурлиги таъкидланди.