Xabaringiz bor, muhtaram yurtboshimizning "8 mart – Xalqaro xotin-qizlar kuni" munosabati bilan jamiyat hayotiga muhim xissa qo‘shgan bir guruh xotin-qizlarni mukofotlash to‘g‘risidagi farmoniga binoan Andijon viloyati, Andijon tuman 10-son ixtisoslashtirilgan umumiy o‘rta-ta’lim maktab-internati direktori-Dadaboyeva Manzura Olimjonovna II darajali "Sog‘lom avlod uchun" ordeni bilan mukofotlandi.

Joriy yilning 10 mart kuni viloyat xalq ta’limi boshqarmasi boshlig‘i Gulxayoxon Omonova 10-son ixtisoslashtirilgan maktab-internatida bo‘lib, maktab rahbari Manzura Dadaboyevani hamda maktab jamoasini ushbu yuksak e’tirof bilan qutladi.

Boshqarma boshlig‘i tomonidan ushbu mukofot ta’lim tizimiga, xususan ustozlar qadr-qimmatini yanada ulug‘lash yo‘nalishida amalga oshirilayotgan islohotlarning natijasi ekanligi va bunga javoban o‘quvchi-yoshlarga yanada sifatli ta’lim-tarbiya berish zarurligi ta’kidlandi.