Yurtboshimiz tomonidan yosh avlodni har tomonlama barkamol etib tarbiyalash yo‘lida eng avvalo ularga sifatli ta’lim berish masalalariga alohida e’tibor qaratilmoqda.

Joriy yilning 7 yanvar kuni Bo‘ston tumanida boshqarma boshlig‘i G.Omonova ishtirokida Bo‘ston, Baliqchi, Ulug‘nor hamda Shaxrixon tumanlari ilg‘or pedagoglari va maktab rahbarlari bilan uchrashuv bo‘lib o‘tdi.

Uchrashuvda Prezidentimiz Murojaatnomasida ilgari surilgan tashabbuslarni viloyatning barcha maktablarga yetib borishi zarur ekanligi, bildirilgan yuksak ishonchni oqlash kerakligi ta’kidlandi.

Qolaversa, boshqarma boshlig‘i tomonidan ta’lim sifatini oshirish, maktab bitiruvchilarini oliy ta’lim muassasalariga kirish ko‘rsatkichlarini yaxshilash, o‘qituvchilar malakasini oshirish maqsadida joriy etilgan “Hokim akademiyasi” platformasida yaratilgan imkoniyatlardan barcha o‘quvchilarni xabardor etish yuzasidan kerakli topshiriq va tushunchalar berib o‘tildi.