Joriy yilning 10 mart kuni Andijon viloyati xalq ta’limi boshqarmasi hamda SHARDA universiteti ma’muriyatlari tomonidan ikki tomonlama hamkorlik aloqalarini yanada kengaytirish, ta’lim sohasidagi xalqaro tajribalarni o‘zaro almashinuvini ta’minlash va maktab bitiruvchilarini oliy ta’lim muassasalariga qamrab olish masalalarida o‘zaro muzokaralar olib borildi.

Muzokalarda bildirilgan fikr va mulohazalardan kelib chiqib, quyidagi takliflar ikki tomonlama to‘la ma’qullandi:

1) Joriy o‘quv yilida ham an’anaviy tarzda o‘tkaziladigan “Sharda olimpiadasi” tashkil etiladi va g‘olib o‘quvchilar imtiyozli ravishda mazkur ta’lim muassasasiga qabul qilinadi;

2) 2022-2023 o‘quv yilida maktabni tamomlovchi bitiruvchilar uchun to‘lov-shartnoma mablag‘larida maxsus imtiyozlar joriy etiladi;

3) Universitetning yetakchi professorlari va maktablarning chet tili o‘qituvchilarini o‘zaro tajriba almashinuvi yo‘lga qo‘yiladi.