Барчамизга маълумки, қайта уйғониш, қайта тикланиш, юксалиш деб аталмиш – “Ренессанс”ни амалга оширишда таълим-тарбия муҳим ўрин тутади.

Шу мақсадда, ҳурматли Президентимиз бошчилигида олдимизга улкан мақсадларни қўйиб, уларга эришишнинг энг муҳим омили сифатида таълим-тарбия соҳасига катта эътибор қаратмоқдамиз.

Жумладан, қисқа муддатда мактабгача таълим, олий ва ўрта махсус таълим тизимида муҳим ўзгаришлар амалга оширилди. “Янги Ўзбекистон – мактаб остонасидан бошланади” деган шиор асосида мактаб таълимини ривожлантириш умумхалқ ҳаракатига айланди.

Бу ҳақда гапирганда, охирги етти йилда 21 та янги мактаб,
8 та боғча қурилгани, 428 та таълим муассасалари (шундан,
163 та мактаблар, 265 та боғчалар) реконструкция қилинди ва 199 та таълим муассасалари (шундан, 127 та мактаблар, 72 та боғчалар) мукаммал таъмирланиб, тубдан таъмирлангани ва жиҳозланганини айтиб ўтишим лозим.

Вилоятимизда 2017 йилда 3-7 ёшли болаларнинг мактабгача таълим билан қамрови атиги 24,6 фоизни ташкил этган бўлса, ўтган давр мобайнида амалга оширилган ижобий ишлар натижасида вилоятимиздаги 246 минг  709 нафар болажонларнинг боғчаларга қамраб олиниб, қамров кўрсаткичимиз 84,8 фоизга етди.

Қолаверса, мамкалатимизда мутлақо янгича мазмун ва шаклдаги замонавий Президент мактаблари, ижод мактаблари ва ихтисослаштирилган мактаблари барпо этилиб, иқтидорли ўқувчиларимиз учун хақиқий билим маскани бўлиб хизмат қилмоқда.

Вилоятимизда жорий йилнинг ўзида эса, 35 та умумий ўрта таълим мактаблари ва 10 та мактабгача таълим ташкилотларида қурилиш-таъмирлаш ҳамда замонавий кўринишда жиҳозлаш ишларини амалга оширдик. Мазкур мақсадларга 281,2 млрд. сўм бюджет маблағлар йўналтирилди.

Бугунги кунда, вилоятимизда 801 та умумий ўрта таълим
(765 та умумтаълим, 14 та ихтисослаштирилган, 1 тадан Президент ва ижод мактаб) фаолият олиб бормоқда, уларда 597 минг 513 нафар ўқувчиларга 47 мингдан ортиқ педагоглар таълим бериб келмоқда.

Янги ўқув йилидан яна 67 минг 380 нафар 1-синф ўқувчилари қабул қилиниши кутилмоқда.

Уларга 12 турдаги ўқув қуролларидан иборат “Президент совға”лари ва дарслик тўпламлари келтирилиб ўқув йилининг биринчи кунида тантанали равишда уларга топширилади.

Шу билан биргаликда, янги ўқув йили олдидан 6 минг
890 нафар кам таъминланган оила фарзандларига вилоят ва туман, шаҳар ҳоким ўринбосарлари ҳамда ташкилот раҳбарлари бириктирилиб, янги ўқув йили олдидан мактаб формалари ва ўқув қуроллари билан таъминланди.

Мана бугунги шодиёнада байрам совғаси сифатида
95 комплект компютер жамланмалари, 7 турдаги жами 5 минг 355 та мусиқий асбоблар тўплами ҳамда 5 турдаги 32 минг
113 та спорт инвентарларидан иборат “Совғалар карвони” мактабларга йўл олмоқда.

Юқорида келтирилганидек, мактаблар инфратузилмасини янада яхшилаш ва қулай таълим муҳитини яратиш масалаларидаги амалий ишларни изчил давом эттирамиз.

2024 йилда вилоятдаги умумтаълим мактабларини
33 минг 784 нафар 11-синф битирувчилар тамомлади. Бугунги кунда уларнинг 27 минг 21 нафари ёки 80 фоизининг бандлиги таъминланди.

Битирувчиларнинг 10 минг 562 нафари (31,4%) олий таълим муассасаларига ўқишга қабул қилинди. (2023 йилда 30 фоиз).

Шундан 6 минг 112 нафари (18,2%) ДТМ  тест синови ва касбий (ижодий) имтиҳон натижаларига асосан (2023 йилда 5 минг 943 нафар 24,3%);

- 3 минг 868 нафари (11,5%) Ўзбекистондаги хорижий ва нодавлат олий таълим муассасаларига  (2023 йилда 3 минг
119 нафар);

- 582 нафари (1,7%) Хорижий олий таълим муассасаларида ўқиш имкониятига эга бўлди (2023 йилда 701 нафар).

Ҳозирда Республикадаги хусусий ва хорижий олий таълим муассасаларига қабул давом этмоқда.

Билим ва малакаларни баҳолаш агентлиги (ДТМ) томонидан эълон қилинган натижалар таҳлил қилиб чиқилди.

Тест синовларида иштирок этган 23 минг 924 нафар битирувчиларнинг 6 минг 112 нафари (25,5%) ижобий натижа кўрсатиб, ОТМларга ўқишга қабул қилинди.

Шундан 1 минг 485 нафари давлат гранти, 4 минг 627 нафари контракт асосида ўқиш имконини қўлга киритдилар.

Балиқчида 618 нафар (32,2%), Бўстонда 193 нафар (30,8%), Улуғнорда 159 нафар (30,3%), Булоқбошида 367 нафар (30%) нисбатан юқори натижа бўлса

Олтинкўлда 357 нафар (22,6%), Андижон туманида
432 нафар (21,3%), Андижон шаҳрида 533 нафар (20,6%) ни ташкил этиб, вилоят кўрсаткичидан паст.

Қўрғонтепа 46-сонли (81,8%), Пахтаобод 16-сонли (61,8%), Улуғнор 10-сонли (61,3%), Шаҳрихон 49-сонли (60%),
Бўстон 25-сонли (57,1%), мактаб битирувчилари олий таълим муассасаларига киришда юқори натижа кўрсатган.

Бироқ, вилоятдаги 22 та мактабнинг бирорта хам ўқувчиси олий таълим муассасаларига кира олмаган. (2023 йилда 29 та).

Булар, Андижон ш. 21-,25-,29-сонли, Андижон т. 35-,46-сонли, Асака т. 42-,61-сонли, Избоскан т. 47-сонли, Жалақудуқ т. 6-сонли, Марҳамат т. 17-,34-,43-сонли, Олтинкўл т. 20-,35-,43-сонли,  Қўрғонтепа т. 19-,44-сонли, Шаҳрихон т. 7-,15-,27-,67-сонли, Улуғнор т. 16-сонли мактаблар.

Эътиборлиси шундаки, Андижон туманидаги 46-сонли, Шаҳрихон туманидаги 67-сонли умумтаълим мактабларидан ўтган 2023 йилда ҳам бирорта битирувчи тест имтиҳонларидан ўта олмаган эди.

Ушбу мактабдаги директор ва зам директорларини ишда қолиш қолмаслик масалаларини бошқарма бошлиғи Ў.Шукуров кўриб чиқсин.

Қолган, 4 минг 590 нафар (14%) битирувчиларнинг бандлиги таъминлаш чораларини кўрилмоқда.

Ўқувчиларни мактабларда иккита хорижий тил ва битта касбга ўргатиш ҳамда 11-синфни "Ҳаёт мактаби" этиб белгилаб, уларни даромад топадиган иш билан таъминлаш мақсадида вилоятдаги 16 та мактабларда касбга ўқитиш устахоналари тайёр ҳолга келтирилиб, тадбиркорлар жалб этилган ҳолда фаолият бошлади.

Шунингдек, 2023-2024 ўқув йилида бошлаб вилоятда 32 та мактабда Президент ва ихтисослашган мактаблар ўқув дастури, баҳолаш тизими асосида тажриба синов тариқасида жорий  этилди.  Мазкур баҳолаш тизими ўқувчиларни билим олишларига ижобий таъсир кўрсатганлиги сабабли жорий ўқув йилидан қўшимча 64 та мактабларда чораклик-сумматив баҳолаш тизими йўлга қўйилади.

Мазкур ҳаракатларниниг барча болажонларни сифатли таълим олишлари ҳамда жонажон юртимизга фойдаси тегадиган етук кадр бўлиб етишиши учун амалга оширилмоқда.